डॉ.प्रो.स्नेहा सुवास प्रभु महांबरे यांना शब्दगंध साहित्यिक परिषदेचा प्रतिष्ठेचा पुरस्कार 

गोव्यातील सुप्रसिद्ध ज्येष्ठ साहित्यिक, शिक्षणतज्ज्ञ , लोकसाहित्याच्या अभ्यासक डॉ.प्रो.स्नेहा सुवास प्रभु महांबरे यांना महाराष्ट्रातील शब्दगंध साहित्यिक परिषदेचा मानाचा आणि प्रतिष्ठेचा पुरस्कार प्राप्त झाला आहे. त्यांच्या "सृजनाकडून सर्जनशीलतेचा प्रवास" या संशोधनात्मक ग्रंथाला हा पुरस्कार लाभला आहे. त्यांच्या यशाबद्दल सर्व स्तरावरून कौतुक करण्यात येत आहे. 

त्यांनी गोमंतकीय शिक्षण क्षेत्रात भरीव योगदान दिले आहे. गोवा सरकारच्या कला आणि संस्कृती संचालनालयातर्फे "डी .डी . कोसंबी (वरिष्ठ गट) फेलोशिप देऊन त्यांना सन्मानित करण्यात आले आहे. 'रणमाले' या लोककला प्रकाराचा चिकित्सक अभ्यास (गोवा, महाराष्ट्र आणि कर्नाटक या तिन्ही राज्यांतील क्षेत्रीय पाहणी करून हा मुद्रित संशोधनात्मक प्रबंध सादर केला आहे.) त्या संत सोहिरोबानाथ आंबिये महाविद्यालय, पेडणे-गोवा येथील मराठी विभागात पीएचडीसाठी मार्गदर्शक म्हणून कार्यरत आहेत. "गोमंतकीय निवडक लोककलांचा चिकित्सक अभ्यास" हा त्यांचा पीएचडीसाठीचा प्रबंध. सरकारी महाविद्यालय सांखळी गोवा येथे त्यांनी ३३ वर्षे प्रोफेसर आणि मराठी विभाग प्रमुख म्हणून कार्य केले आहे. त्यांची संशोधनात्मक आणि संपादित पुस्तके आहेत. कार्यक्रम आयोजन, युवकांना मार्गदर्शन, कविसंमेलने अश्या विविध कार्यक्रमात त्यांचा सक्रिय सहभाग असतो. त्यांना विविध पुरस्कारही प्राप्त झाले आहेत. हल्लीच मनसा क्रिएशन्स या प्रतिष्ठित संस्थेतर्फे "मनसा सन्मान २०२६" देऊन त्यांना गौरविण्यात आले आहे. 

डॉ.प्रो.स्नेहा सुवास प्रभु महांबरे

मनसा क्रिएशन्स या प्रतिष्ठित संस्थेतर्फे "मनसा सन्मान २०२६" देऊन डॉ.प्रो.स्नेहा सुवास प्रभु महांबरे यांचा गौरव करताना इन्स्टिटयूट मिनेझिस ब्रागांझा संस्थेचे अध्यक्ष, पर्यटन विकास महामंडळाचे उपव्यवस्थापक दीपक नार्वेकर, राजदीप बिल्डर्सच्या कार्यकारी संचालक दीपा तारकर आणि मनसा क्रिएशन्सच्या संस्थापक संचालिका प्रिया कालिका बापट.